| Sprecher | Hoi Sara, so schön, dass du da bisch. |
| Sara | Hoi X, hoi Chindä. |
| Sprecher | He Sara häsch du eigentlich au scho mal die mega vilä Stärnä am Himmel gseh? |
| Sara | Klar, sicher, die hät min Papi gmacht! |
| Sprecher | Was, die hät din Papi gmacht? |
| Sara | Ja, gäll jetzt stunsch, er hät nöd nur d'Sternä gmacht, er hät sogar die ganz Welt gmacht. |
| Sprecher | Halt, halt, Sara. Ich kenne din Papi und dä isch Schrinär. Er chann Holzsterne machä und ä Weltchugle us Holz. |
| Sara | Also X. Ich mein dänk nöd dä Papi. Ich meine min Papi im Himmel, Gott. Du häsch mir doch sälber gseit, dass ich es Gottes Chind bin. |
| Sprecher | Ja klar, jetzt chum ich drus. Du Sara, du häsch hüt aber ä schöni Frisur. |
| Sara | Na ja, ich weiss nöd. Ich find ich gseh es bitzeli doof us. |
| Sprecher | He nein, sicher nöd. Wie chunsch dänn da druf? Mit derä top Frisur und dinä grosse schönä Augä gsesch wunderschön us. |
| Sara | Gsesch, du seisch es ja sälber. |
| Sprecher | Was säg ich au? |
| Sara | Zu mir hät öpper gseit, ich heg so grossi Augä wie ä Chuä und mit denä Haar gsehn ich us wie än Pudel höchscht persönlich! |
| Sprecher | Das isch ja ganz gemein. Weisch du wer dich gmacht hät? |
| Sara | Ja, min Papi im Himmel |
| Sprecher | Genau, und er hät dir die wunderschöne Augä gmacht und au dini Haar. Er hät dich einzigartig und mega cool gmacht. Du chasch Gott dafür dankä. |
| Sara | OK, jetzt gahts mir wieder u mega guet. Merci X. |